Mit ni Th’abi Tolang e T’ufeg

BAGA’ ni urngin yay u lan fare Christian Greek Scriptures, fa New Testament, ma fare bugithin ni “t’ufeg” e ni piliyeg ko fare bugithin ni Greek ni a·gaʹpe.

Ngani weliy fan ere n’em, ma fare babyor ni ku yima sap ngay ni Insight on the Scripturesa e gaar: “[A·gaʹpe] e gathi safel’fel’ ni bochan e yib pach, nib ga’ ni aram rogon ni ma lemnag e girdi’ fan e t’ufeg, ya ba t’ufeg ni fan ko girdi’ ni kan k’aring ni bochan e kenggin e motochiyel, nge maruwel, nge ngongol nib fel’ ni riy baadag ni ngan ayuweg boch e girdi’ ni rogon nib mat’aw. (Tufeg ni) a·gaʹpe e ba tolang ko fanenikan u thilin l’agruw e ulung. Dabi pag be’ ni nge digey kenggin e motochiyel nib mat’aw ma ba puluw, ma dabi fulweg taban e kireb ku be’.”

A·gaʹpe ku rayog ni nge un ngay e lem nib toar. “Ngari t’uf [a·gaʹpe] bigimed rok bigimed,” i puguran apostal Peter. (1 Peter 4:8) Arfan, ni rayog ni nga nog ni a·gaʹpe e ba muun e gum’ircha’ nge lem ngay. Mang ni dab mu lemnag ngam bieg boch e thin nu Bible ni be dag gelngin nge ga’ngin e mit ney e t’ufeg ngay nib th’abi gel? Tini baaray e thin nu Bible e rayog ni ayuwegem: Matthew 5:43-47; John 15:12, 13; Roma 13:8-10; Efesus 5:2, 25, 28; 1 John 3:15-18; 4:16-21.

[Footnotes]