Mang Fan ni Pi Mich Rok Jehovah e Yugu Yad Be Sul Ngom?

U GA’NGIN yang e fayleng, ma fare machib ni ma tay e Pi Mich Rok Jehovah ni yugu yad ma sul nga u ranod ko tabinaw i yan e ri yimanang nib fel’ rogon. Boch e girdi’ e yad ma balyang nga fan ni yugu ma sul e Pi Mich ngorad, ni rib ga’ ni faanra ra daged fayanem e wub ni gathi ri yad baadag e pi n’en ni be yog e Pi Mich nem. L’agruw yang e babyor nib u Russia e ra ayuwegey nge weliy fan.

Masha, nu Khabarovsk nib rugod ni 19 e duw rok e gaar, “Nga gog e tin riyul’,” “kafram, e ri gu ma guy rogon ni nga gu pilo’ ko Pi Mich rok Jehovah.” Machane, tomuren ni ke poy in ken e magazine ni ke fal’eg e Pi Mich, me thiliyeg e ngongol rok. Me yoloy Masha ni gaar, “Ri urngin nib fel’ ma be tamilangnagey, machane, n’en ni th’abi ga’ fan, e ke fal’eg rogom ni ngam sap ko fayleng nib thil rogon. Munmun me yog ni nga gu nang fan ko mang nni pi’ e yafas ko girdi’ ni ngar pared riy.”

Svetlana ko mach nu Ussuriysk, ni sogonapan 50 e mile nga lel’uch u Vladivostok, e yol nge yib ni gaar: “Kafin yugu tabab i bieg Fare Watchtower nge Awake! Pi magazine ney e rib m’ag ko tirodad e rran nge yangar. Ri gu baadag urngin e articles riy. Rib manigil ma boor ban’en ni be weliy, ma be tamilangnagey. Kammagar gad! Karim magargad ni gimed bay u lan e re fayleng ney nge fan ni gimed be rin’ ba maruwel nib ga’ fan ma ba t’uf.”

Pi Mich rok Jehovah u ga’ngin e fayleng e ri yad ma tiyan’rad ko lem ni ta’ apostal Paul ni pug e deer ni gaar: “Ma ra diin mi yad [girdi’] rungaag ni faanra danir michibnag e thin rok?” (Roma 10:14) Mang fan ni dab yu gum pi’ in e minit ngam mmotoyil ko yay ni migid ni ra yib e Pi Mich ni ngar guyed gur? Gur e ku rayog ni ngam falfalan’ ko thin nib fel’ rogon ni yira pirieg ko Thin rok Got, ni fare Bible.