Rogon Me Yog Ni Ngan Gel ko Mulan’

KE MULAN’UM fa? Re ngiyal’ i ney ni dakir mudugilan’uy ma yibe cham, e boor e girdi’ ni ke mul’an’. Boch e girdi’ e ke mulan’ ya dariy e maruwel rorad. Ma boch e yad be par u fithik’ e gafgow u tomren reb e maadad nib ubchiya. Ma ku bay boch ni ki yad be athamgil u fithik’ e magawon ko tabinaw, m’ar nib ubchiya, ara tawreng.

Faanra ke mulan’um, ma uw e ga ra gay e ayuw ngay? Bokum milyon e girdi’ u fayleng i yan e kar pirieged ni ke fel’ laniyan’rad ni yad be poy e Thin rok Got, ni fare Bible. Kiki micheg e thin rok apostal Paul ngorad, ni gaar: “Ngan pining e sorok ngak fare Got ni Chitamangin e Somol rodad i Jesus Kristus, ni Chitamangin e sumunguy ma Got ko urngin e fl’eg laniyan’, ni ir e ma fal’eg laniyan’dad ko urngin e gafgow rodad nib gel.” (2 Korinth 1:3, 4, NW) Mang fan ni dab mu bieg e re n’ey nge ku boch e thin u lan e Bible rom? Ga ra bieg ni aray rogon u Bible rom ‘ma ra fl’eg lanin’um me gelnigem.’​—2 Thessalonika 2:17.

Ayuw ni nge yog nni yan u fithik’ e meewar laniyan’ e ku yi ra pirieg ko nguun chag ko piin yad ma pigpig ngak Jehovah. Proverbs 12:25 (NW) e gaar: “Magafan’ ni ba’ u gum’irchaen be’ e ir e ra k’aring nge lumel nga but’, machane thin nib fel’ e ir e ra k’aring nge falfalan’.” Nap’an ni gad ra un ko pi muulung ko Kristiano, ma gad rung’ag e “thin nib fel’,” nib n’en “nib fel’ ko yafas ma ma faseg e yil.” (Proverbs 16:24, NW) Mang fan ni dab mu un nga reb e muulung u reb e Kingdom Hall ko Pi Mich Rok Jehovah ngam nang rom rogon angin gelngin e pi muulung nem ni ra yib ngom?

Ku ra yog ni fel’ rogom ko gelngin e meybil. Faan ga ra thamiy ni ke mun daken e pi magafan’ ko yafas ni keb ngom, ma nga mog fiti lanin’um ngak e ani ma “Rungaag e meybil.” (Psalm 65:2, NW) Ani Sunmiydad, ni Jehovah Got, e manang fadad nib fel’ rogon nga rogon ni gadad manang. Rayog ni ngad pagedan’dad ko ayuw rok. Thin rok e micheg ngodad ni gaar: “Mun’ e n’en ni ke tomalnigem nga daken Jehovah, ma ir rok e ra ayuweg e yafas rom. Ri dabi pag e piin nib mat’aw ni ngar yoyowolgad.” (Psalm 55:22, NW) Arrogon, “piin ni yad be pagan’rad ngak Jehovah e ku ra sul gelngirad.”​—Isaiah 40:31, NW.

Jehovah Got e ke pi’ ngodad urngin e ayuw ni ba t’uf ni nge yog ni darod u fithik’ e mul laniyan’ rodad nib fel’ rogon. Ga ra fanay e pi n’enem fa?