Kar Machibnaged e Thin nib Fel’ Ngak e Biling

“YAD MA fek i yib ngom e Thin rok Got!” Aram rogon ni yog fa en ni baga’ u tafen e pilibthir u Navalcarnero, u Madrid, Spain, ni i weliy murung’agen e Pi Mich Rok Jehovah ni kar bad nga tafen e pilibthir. Mang e ke k’aring ni nge yog e re thin n’em?

Boch e girdi’ ni ma par u Rosas del Camino center e bbiling. Machane, bochan ni be athamgil e Pi Mich ni ngar nanged e Thin ko Biling ni Fanathin ko Thin ni Spanish, ma ke yog ni ngar nonad e pi girdi’ nem. Fa en nib ga’ e ke pining e sorok ko Pi Mich ni bochan e maruwel rorad ni ngar skulnaged e girdi’ ni yad baadag e thin rok Got ni dariy puluwon. Ke guy ni ke yib angin ngak e girdi’ ni ma par u rom fare thin nib fel’ ni murung’agen Gil’ilungun. Ma pi girdi’ nem e​—baga’ ni bay e magawon rorad ko motoyil nge numon—​maku baga’ angin ni ma yib fapi Mich i guyrad.

Eulogio, e be’ ni ma par u rom nib malmit maku bbiling, ma be fil e Bible e chiney ni yad e Pi Mich Rok Jehovah. Reb e rran u nap’an ni yibe fol Bible, me yib reb e pilibthir ni pumoon ngak fare Mich me ognag reb e tang ara poem ngak ni ke tunguy fapi girdi’ ni ma par u rom ni be pining e magar. Fare tang e bay kenggin ni gaar, “Yira mang reb e Mich.” Ma bang e gaar: “Par rorad e ba fel’ rogon, yad ma fol ko fonow, ma ke yog ngorad rok Jehovah e gonop ni bay e felfelan’ riy. Yad ma sul sul ko pi tabinaw ya bochan ni ba pagan’rad ngak Jehovah.”

Bochan e re pagan’ ney rorad ngak Jehovah ma ke pow’iy boor e Pi Mich u ga’ngin yang e fayleng ni ngar filed e thin ko biling ni fanathin ko nam rorad. Aray rogon ni yad ma machibnag e girdi’ ni aram rogon ko fare thin ni ma pi’ e athamgil ko athap ni bay u Bible.