Bochi Pin nib Gol

DAWORI n’uw nap’an, ma immoy bochi pin u Brazil ni mereb e duw rok, ma bay e salpiy ni i kunuy ma aram me kieg fapi salpiy rok. Ke tay 18 e dolla nga lan e kahol u Kingdom Hall ni fan ko ayuw. Ma aram e ke pi’ 25 e dolla ko branch office ko Pi Mich Rok Jehovah ni bay bangi babyor riy ni ke yoloy ni be gaar: “Gu baadag ni nga gu pi’ e re salpiy ney ni ayuw ni fan ko maruwel ni machib u ga’ngin yang u fayleng. Gu baadag ni nga gu ayuweg e pi walag u ga’ngin yang e fayleng ni ngan machibnag fare thin nib fel’. Kug pi’ e re salpiy ney ni gu ba felfelan’ ngay ma kub t’uf Jehovah rog.”

Gallabthir ko fachi pin e kar filew ngak feni ga’ fan ni nge pi’ e ayuw ko machib ni yibe tay. Ka rognew ngak feni rib t’uf ni nge ‘tayfan Jehovah ko pi n’en ni bay rok.’ (Prov. 3:9) Ngad boded e chi pin ney ni ngad pasiggad i ayuweg ni nge mon’og e machib ni yibe tay u lan e binaw rodad nge ga’ngin e fayleng!