Ka Ga Manang?

Rayog ni ngam pi’ e fulweg ko pi deer ni baaray ni kan fek u lan Fare Wulyang ko Damit ko duw ni 2019, fa?

Mang e be yip’ fan fapi thin ni ke micheg Got ni be gaar: “Dariy ba talin e cham nni ngongliy nra maad’ad ngom”? (Isa. 54:17)

Rayog ni nge pagan’dad nra ayuwegdad Got ko togopuluw ni ma yib rok e pi “toogor” rodad. (Isa. 25:4, 5, BT) Pi toogor rodad e dabiyog ni ngar gafgownaged gadad ndariy n’umngin nap’an.​—w19.01, pp. 6-7.

Uw rogon ni ke m’ug nib mat’aw Got u rogon e ngongol rok ngak piyu Kanaan nge piyu Israel nda ur folgad?

I gechignag Got e piin ur uned ko ngongol ndarngal ara piin ma gafgownag e piin nib pin nge bitir. Ma i tow’athnag e piin yad ma fol rok ma yad ma rin’ e tin nib mat’aw ko girdi’.​—w19.02, pp. 22-23.

Mang e susun ni ngad rin’ed ni faanra gad bay u bang me meybil be’ nde taareb e michan’ rodad?

Rayog ni ngad pared ndab dogned ban’en u fithik’ e tayfan ma dab dogned e “amen” nib ga’ lamdad ara ni kol paay u nap’an ni yibe meybil. Rayog ni ngad meybilgad u lanin’dad.​—w19.03, p. 31.

Uw feni kireb e mokol bitir u gelngiy?

Mokol bitir u gelngiy e aram reb e denen nib togopuluw ngak e en kan rin’ e biney e ngongol ngak, nge ulung, nge am, nge Got. Faanra bay e motochiyel ko nam ni be yog ni faanra kan nang murung’agen reb e bitir ni yibe kol u gelngiy ma thingar nog ko am, ma aram e thingari fol e piin piilal ko re motochiyel ney.​—w19.05, pp. 9-10.

Uw rogon ni ngam pingeg gum’irchaem nge lanin’um ni polo’?

Baaray boch ban’en nib ga’ fan ni ngam rin’: Mmeybil ngak Jehovah. Mu fal’eg i lemnag boch ban’en ya nge yag nim nang rarogom. Mu fal’eg i mel’eg e piin ga ma chag ngorad.​—w19.06, p. 11.

Uw rogon ni ngad fal’eged rogodad e chiney ni fan ko togopuluw ni bay yib?

Ba t’uf ni ngad gelnaged e tha’ u thildad Jehovah. Thingari mich u wan’um ni gab t’uf rok ma dabi digeyem. Thingar um beeg e Bible ni gubin e rran ma gubin ngiyal’ ni ngaum meybil. Nge mich u wan’um nra riyul’ e pi tow’ath nra yibnag Gil’ilungun Got. Mu fil nge mit ngom e pi thin nu Bible nri ga baadag, nge boch e tang ni be n’uf Jehovah.​—w19.07, pp. 2-4.

Mang e ngad rin’ed me yag nda ayuweged e girdi’ rodad ni nge yag e yafos ngorad?

Ba ga’ fan ni ngad nanged rogon lanin’rad, ma gad dag e ngongol nib fel’, mad gum’an’naged gadad u puluwrad, ma gad gol ngorad.​—w19.08, pp. 15-17.

Uw rogon nra baud lanin’dad nrogon ni ke micheg Jesus ko Matthew 11:28?

Bay boch e Kristiano ni yad be yarmiy rogon e maruwel rodad ni gad ba t’uf rorad, nge tin th’abi fel’ e fager rodad, ma gad be rin’ e bin th’abi fel’ e maruwel.​—w19.09, p. 23.

Uw rogon ni nge pi’ Got gelngidad me pingeg lanin’dad ya ngad adaged ni ngad rin’ed e tin nib m’agan’ ngay? (Fil. 2:13)

Nap’an ni gad be beeg e Thin rok Got ma gad be fal’eg i lemnag, ma rayog ni nge pi’ Got gelngidad me pingeg lanin’dad ngad adaged ni ngad rin’ed e tin nib m’agan’ ngay. Rayog ni nge pi’ gelngin nib thothup ngodad ya nge yag nda mon’ognaged e pi salap rodad.​—w19.10, p. 21.

Mang boch ban’en ni ngad rin’ed u m’on ni ngad dugliyed ban’en nib ga’ fan?

Baaray lal ban’en nib t’uf ni ngam rin’: Mu fal’eg i gay murung’agen ban’en nib fel’ rogon. Mu yibilay e gonop. Mu fal’eg i yaliy fan ni kam dugliy ban’en. Ngari dugil e n’en ni ngam nameg. Mu nameg ban’en ni ga manang nrayog rom.​—w19.11, pp. 27-29.

Gur, fare machib ni bay e yaal ko girdi’ ndabi yim’ e sum ko fapi thin ni yog Satan ngak Efa, fa?

Danga’. I yog Satan ngak Efa ndabi yim’. Gathi yog ngak nnap’an nra yim’ ma ka bay ban’en u fithik’ i dow nra i par nib fos. Dariy reb e machib ni googsur ni magey u tomuren fare Ran ni Tharey e Fayleng. Fare machib ni murung’agen e yaal ko girdi’ ndabi yim’ e rayog ni sum u m’on ni wer e girdi’ ni ur toyed fare wulyang u Babel nga gubin yang u fayleng u nap’an ni athukuy Got e thin rorad.​—w19.12, p. 15.