Ngan Fal’eg Rogoy ni Fan ko Skeng ko Theocratic Ministry Skul

Fare Skeng ko Theocratic Ministry Skul e ma ayuwegdad ni ngad salapgad ko machib.

Fare babyor rodad ni Machib Ko Gil’ilungun e yima tay e deer ngay ni fan ko skeng. Ere rayog ni ngad fal’eged i gay e fulweg riy u boch e babyor. Ba t’uf e athamgil u nap’an ni yibe fal’eg rogoy ni fan ko skeng. Machane ra ayuwegdad ni nge mit boch ban’en ngodad nib ga’ fan.

Ku reb e kanawo’ ni ngan fal’eg rogoy ko re Skeng nem e ngan fal’eg e motoyil ko pi n’en ni yima weliy ko fare Theocratic Ministry Sukul u gubin e wik min lemnag e tin nib ga’ fan ni yibe weliy riy. Rib ga’ angin e re n’ey nra yib ngak e piin ni yad ma fal’eg rogorad.