Rogon ni Ngan Tababnag e Bible Study

Boor i gadad e ra falfalan’dad ni ngad filed e Bible ngak e girdi’ ni faan rayog ni ngad tababnaged reb. Fare babyor ni Rayog ni Ngam Par ni Gab Fas u Paradis u Fayleng e rayog ni nge ayuwegdad. Faan ran fanay e machib nib mom ni bay dalip i thal riy, ma mus ko piin ni ka fini un ko machib e ba mom rorad ni ngar tababnaged e Bible study.

Reb e kanawo’ ni ngam wereg e babyor ni Rayog ni Ngam Par ni Gab Fas e (1) ngam fith reb e deer ko uw rogon u wan’, (2) ngam bieg e thin nu Bible ni ba puluw ngay, ma (3) ga dag ngak reb e guruy u lan e babyor nra tamilangnag e n’en ni gimew be machibnag. Faanra dag fa cha’ ni baadag e machib, ma rayog ni ngam dag rogon e fol Bible ngak ngam fanay e tin som’on e paragraph ko re guruy nem. Rayog ni ngam rin’ e re n’ey ko yay ni som’on ni ngam mada’nag be’ ara ko ngiyal’ ni ngam sul ngak.

Baaray boch e thin ko machib:

◼ “Uw rogon u wan’um, rayog ni nge par e pi bitir rodad u rogon ni be weliy e pi thin ko re tang ney fa?” Nga mu bieg Psalm 37:10, 11, ma ga pag ni nge pi’ e fulweg. Nge mu’ ma ga dag guruy ni 1.

◼ “Uw rogon u wan’um, bayi yib reb e rran nra riyul’ e pi thin ni baaray fa?” Nga mu bieg Isaiah 33:24, ma ga pag ni nge pi’ e fulweg. Nge mu’ ma ga dag guruy ni 1.

◼ Faanra bay rogom ni ngam rin’, ma ga rin’ e pi n’en ney fa?” Nga mu bieg Revelation 21:4, ma ga pag ni nge pi’ e fulweg. Nge mu’ ma ga dag guruy ni 1.

◼ “Boor e girdi’ e yad be lemnag ko mang fan ni be yoor iyan e pi magawon ko girdi’. Kaa mu lemnag e re n’ey biyay fa?” Nga mu bieg Revelation 12:9, ma ga pag ni nge pi’ e fulweg. Nge mu’ ma ga dag guruy ni 2.

◼ “Uw rogon u wan’um, rayog ni nge nang e girdi’ Ani Ga’ rodad, ni bod rogon ni be weliy e Bible?” Nga mu bieg Acts 17:26, 27, ma ga pag ni nge pi’ e fulweg. Nge mu’ ma ga dag guruy ni 4.

◼ “Uw rogon u wan’um, ngiyal’ ney ma bay boor e magawon rodad, ere rayog ni nge yog ngodad e ayuw nge athap ni be weliy e pi thin ney fa?” Nga mu bieg Roma 15:4, ma ga pag ni nge pi’ e fulweg. Nge mu’ ma ga dag guruy ni 5.

◼ “Kaa mu lemnag biyay ni faanra manang e girdi’ ni kar m’ad e n’en ni be rin’ e piin nib fas fa?” Nga mu pag ni nge pi’ e fulweg. Ngam bieg Ecclesiastes 9:5, ma ga dag guruy ni 8.

◼ “Kaa mu par ni ga ba adag ni ngam nang e fulweg ko re deer ney kafram fa?” Mu bieg Job 21:7, ma ga pag ni nge pi’ e fulweg. Nge mu’ ma ga gad guruy ni 11.

◼ “Uw rogon u wan’um, mang e ba t’uf riy nge riyul’ e tin nib m’agan’ Got ngay u roy u fayleng ngu tharmiy, ma nge puluw ko re meybil ney?” Mu bieg Matthew 6:9, 10, ma ga pag ni nge pi’ e fulweg. Nge mu’ ma ga dag guruy ni 13.

◼ “Ga be lemnag ni gad be par ko ngiyal’ ni be weliy e pi thin ko profet ney fa?” Mu bieg 2 Timothy 3:1-4, ma ga pag ni nge pi’ e fulweg. Nge mu’ ma ga dag guruy ni 18.

◼ “Uw rogon u wan’um, bayi yib reb e rran nrayog ni ngad guyed e girdi’ nib t’uf rodad ni kar m’ad, ni bod rogon ni yog Jesus u roy?” Mu bieg John 5:28, 29, ma ga pag ni nge pi’ e fulweg. Nge mu’ ma ga dag guruy ni 20.

◼ “Uw rogon u wan’um, faan ran fol ko re thin ko Bible ney ma ran ayuweg e girdi’ ngar falfalan’gad ko par u lan e tabinaw fa?” Mu bieg Efesus 5:33, ma ga pag ni nge pi’ e fulweg. Nge mu’ ma ga dag guruy ni 29.

[Sasing ko page 6]

Rayog ni ngam reportnag e Bible study ko report rom u tomren dalip yay ni kam fil e Bible ku be’ ma faanra ga be lemnag ni ra ul’ul’ ko fol Bible.