Deer

◼ Ba puluw ni ngan yarmiy e yard sale ara yugu ban’en ni fan e nge yoornag e salpiy nge ayuweg e ulung?

Baga’ ni ma fl’eg pi yurba i teliw ban’en ni fan ni nge yoornag e salpiy rorad , ni bod e ggan, pi’ ni chuway’, ara pi madenom. Yugu aram rogon ni ma lemnag boch e girdi’ ni ba puluw ni ngan rin’, machane ba riyul’ ni ireram bod rogon e shiyobay. Pi Mich Rok Jehovah e dabi yognag e salpiy ni aram rogon.

U lan e bin l’agruw e babyor ko Watch Tower, ko August 1879, i yog Brother Russell e pi thin ney ko mang fan ni dabun ni nge folwok rok pi yurba’ i teliw nga rogon ni nge yog e salpiy ngorad: “Ke mich u wan’dad ni ‘Zion’s Watch Tower’ e bay Jehovah ni i ir e ta ayuw, ma bochan e ireray rogon ma dab ni taman ara ning puluwon. Nap’an e ngiyal’ ni dabiyog ni nge pi’ Faanem ni gaar: ‘Urngin e gol nge silva ni bay u lan e pi burey e aram tirog’ ko re maruwel ney, ma aram me tamilang u wan’dad ni aram e ngiyal’ ni ngan taleg i fl’eg e pi babyor.”

Gad ma lek e Thin nu Bible; “Ere ra be’ ma nge pi’ ban’en nrogon ni ir e ke dugliy u laniyan’, ndabi kireban’ ngay ni ke pi’ fa reb e finey ni ban’en nthingari rin’; yi Got e ba t’uf rok e en ni ma pi’ ban’en u fithik’ e felfelan’.” (2 Kor. 9:7) Yima tay e kahol ko ayuw u lan e Kingdom Hall ni fan e rayog rok e girdi’ ni ngar pied e ayuw ni faanra yad baadag. (2 Ki. 12:9) Dabni ning ni ngan pi’ puluwon; ma dabni pi’ ban’en ni fan ni nge yog ban’en ngay.