Announcement

◼ Babyor ni ngan wereg ko January: Demtrug e babyor ni 192 e page riy ara fare babyor ni Knowledge. February: Thin Nriyul’ Ni Ma Pow’iy I Yan Ko Yafas Ni Manemus. March: Mang e Ba T’uf ni Ngada Rin’ed ku Got? April: Pi magazine ni Wulyang Ntagil’ E Damit nge Awake! Faanra ba adag be’ e machib ma ngan pi’ ngak fare babyor ni Mang e Ba T’uf ma ngan guy rogon ni ngan tababnag e Bible study.

◼ Bay lal e wikend ko March ere fel’ ni ngan un ko pioneer ni ayuw.

◼ Ran tabab ko February ma dabi pag March 2 ma ra pi’ e pi circuit overseer e bin beech e public talk ni “U Uw e Rayog ni Ngam Ning e Ayuw u Nap’an Nra Yib e Gafgow?”

◼ Pi ulung e susun ni ngar fl’eged rogon ni ngar madnomnaged fare Puguran ko re duw ney ko Sabado, March 22, u tomren ni aw e yal’. Rayog ni ngan tabab ko welthin u m’on riy machane susun ndabni tabab i pi’ e wain nge flowa nge mada’ ko ngiyal’ u tomren ni aw e yal’. Ngan guy rogon ni ngan nang e ngiyal’ nra aw e yal’ ko binaw romed. Ra reb e ulung ma susun ni ngar guyed rogon ni ngar ted e muulung ko Puguran. Machane sana dabiyog. Faanra boor ko taareb e ulung e ma fanay reb e Kingdom Hall ma sana rayog ko boch e ulung ni ngar fanayed yugu reb e naun ko re blayal’ nem. Faanra rayog ma fel’ ni ngan fl’eg ni bay 40 e minit u thilin reb e muulung nge reb ma aram e rayog ni nge sabethin e girdi’ u tomren fare Puguran. Ma ngan lemnag ko ra uw rogon e gin ni ngan tay e karrow nge rogon ni ngan nin’ e girdi’ min fekrad. Pi piilal ko ulung e ra turguy e n’en nra m’ag ko binaw.

◼ Pi secretary ko ulung e susun ni bay rorad e babyor ni pioneer appointment (S-202) ko ra reb e regular pioneer ko ulung. Faanra dariy, ma ngan yoloy e babyor ko branch ofis.