Mu Beeg Reb e Thin nu Bible ni Gubin e Rran

Ga ra sap ko page 3-6 ko re babyor ney, ma bay riy e pi thin nu Bible ni yira beeg u reb e rran ngu reb ko duw ni 2009 nge babyor nib puluw e thin riy ngay. Ga ra sap ko gin ni be gaar, Wulyang Ntagil’ E Damit ni kan fek riy, ma bay e thin riy ni kan fek ko Wulyang Ntagil’ E Damit (wp) ko April 2007 nge mada’ ko March 2008. Namba ni bay nga tomren e date u reb e Wulyang Ntagil’ E Damit e aram e namba ko article. Re namba nem ni (1, 2, 3, 4 ara 5) e be yip’ fan e bin taareb ngeni mada’ ko bin lal e article ara thin u lan reb e Watchtower. Ma bin migid ngay e namba e be yip’ fan e paragraph u reb e article ni kan fek e thin riy ni fan ko re rran nem.

Mu mechameg ngom ni nge gubin e kadbul u m’on ni ngam abich mag beeg e thin nu Bible ni fan ko fare rran. Ga ra rin’ ni aray rogon ma ra ayuwegem ni ngam fal’eg i lemnag e tin nib ga’ fan ni kam beeg u lan e re rran nem miki ayuwegem nge yog nim par ni gab gel ko tirok Got u nap’an ni keb e magawon ngom. Faanra ba mo’maw’ ko schedule romed e tabinaw rom ni ngam beeged e pi thin nu Bible ney u taabang ni kadbul, ma rayog ni ngam beeged u taabang ni balayal’.

Dabin gur i beeg e pi thin ney ya kub ga’ fan ni ngan tiyan’uy ngan beeg yugu boch e thin ni Bible ni kub muun ngay. Ra aray rogon ma rayog ni ngam nang fan fare thin nu Bible nib fel’ rogon. Mu fithem ni nge lungum: “Mang fan e re thin ko Bible ney? Uw rogon ni nggu folgad girdien e tabinaw rog ko re thin ney?” Ra um beeg e pi thin nu Bible ni fan nga reb e rran nge reb ma rra yib angin ngom nge tabinaw rom.