Boch Ban’en Nrayog ni Nga Nog

Rogon ni Ngan Tabab i Fil e Bible Ngak Be’ ko Bin Som’on e Sabado ko Pul ni March

“Boch e girdi’ e ba mich u wan’rad ni Bible e reb e babyor ko yiiy. Ma boch e girdi’ e ma lemnag ni Bible e reb e babyor ni bay e yiiy riy nde tamilang nrayog ni ngan weliy u boor e kanawo’. Uw rogon ni ga be lemnag?” Mmotoyil ko n’en nra yog. Ngemu’ mag pi’ ngak ba ken fare Wulyang ko Damit ko February 1, mi gimew weliy u taabang e thin ni bay ko bin som’on e subheading ko page 11 nge reb e thin nu Bible ni bay riy. Mu pi’ fare ke babyor ngak ma ga yarmiy e rofen ni ngkum sul ngam weliyew e bin migid e deer riy.

Fare Wulyang ko Damit February 2012

“Boor ban’en nrayog ni ngad filed rok boch e girdi’ ni ur moyed kakrom. Aram rogon ni ga be lemnag, fa? [Mmotoyil ko n’en nra yog.] Re thin nu Bible ni baaray e be weliy murung’agen reb e pumoon ni be yog e Bible ni ‘fager rok Got’. [Mu beeg e James 2:23.] Re ke babyor ney e be weliy fan ni tay Got Abraham ni fager rok, maku be weliy e n’en ni gad ra fil rok Abraham.”

Fare Wulyang ko Damit February 2012

“Mang e rayog ni nge ayuweg reb i leengiy ni nge pirieg e felfelan’ u lan e mabgol rok? [Mmotoyil ko n’en nra yog.] Mu tay fanam i yan u rogon ni be pi’ e Bible e fulweg ko re deer ney. [Mu beeg e 1 Peter 3:3, 4.] Rayog ni ngad filed murung’agen Sarah u Bible ni ir reb e ppin ni bay e pi fel’ngin ney rok. Re ke babyor ney e be weliy rogon nrayog ni nge fil e piin leengiy ban’en rok Sarah.” Mu dag fare article ni bay ko page 7.