Boch Ban’en Nrayog ni Nga Nog

Rogon ni Ngan Tabab i Fil e Bible ngak Be’ ko Bin Som’on e Sabado ko Pul ni June

“Taufe e aram e n’en ni ma rin’ boor e Kristiano. Uw rogon u wan’um? Ba ga’ fan e taufe, fa? [Mmotoyil ko n’en nra yog.] Re article ney e be weliy boch ban’en u murung’agen.” Ngemu’ mag pi’ ba ken e Wulyang ko Damit ni May 1 ngak, ma gimew ra weliy e pi n’en ni bay u tan fa bin som’on e subheading ni bay ko page 10 ma ngam beegew reb e thin nu Bible. Mu pi’ ngak fare babyor ma nga mog ngak ni ngam sul ngak ya ngam weliyew e bin migid deer.

Fare Wulyang ko Damit May 2012

“Boor e teliw ni bay, mab thilthil e machib ni yad ma tay ma kub thilthil e pi n’en ni yad ma rin’. Uw rogon u wan’um, urngin e piin ni yad ma yog ni yad e Kristiano e riyul’ ni yad e Kristiano, fa? [Mmotoyil ko n’en nra yog.] Ke weliy Jesus murung’agen reb e pow ko tin riyul’ e Kristiano. [Mu beeg e John 13:34, 35.] Re ke babyor ney e be weliy murung’agen lal ban’en ni yog Jesus nra ayuwegdad ni ngad nanged e tin riyul’ i gachalpen.”

Rogon ni Ngan Tabab i Fil e Bible Ngak Be’ ni Yibe Fanay fare Babyor ni Ga Baadag ni Ngam Nang e Tin Nriyul’?

Mu pi’ fare gi babyor ni tract ni Ga Baadag ni Ngam Nang e Tin Nriyul’? ngak be’ ma ngam dag e pi deer ni bay ko bin som’on e page. Ngemu’, mag yog ngak ni nge lungum: “Bay boch e deer u roy nib fel’ ma bay e fulweg riy nib tamilang u Bible. Kaam fith reb ko pi deer ney, fa?” Tomuren ni ke pi’ facha’ e fulweg, ma ngam beegew reb e thin nu Bible ni kan tay nga lan fare babyor. Mog ngak ni ngam sul ya ngam weliyew murung’agen reb e deer ni bay u lan fare tract.