Announcement

Babyor ni ngan wereg ko pul ni November nge December: Ngan fanay fare tract ni kenggin e: Ga Baadag ni Ngam Nang e Tin Nriyul’?, ara Mini’ E Riyul’ Ni Be Gagiyeg U Fayleng?, ara Yafas U Fithik’ E Gapas U Lan Reb E M’ag Nib Biech. Faanra kan guy ni baadag be’ e machib ma rayog ni ngan tabab i fil e Bible ni yibe fanay fare ke babyor ni Mang e Ri Be Fil e Bible?, ara fare brochure ni Mmotoyil ngak Got me Yog e Yafas ni Manemus Ngom. January nge February: Demtrug e brochure ni bay 32 e page riy. Nap’an ni yira sul ni ngan guy be’ ni baadag e machib ma ngam dag ngak fare babyor ni Mang e Ri Be Fil e Bible?, faanra ba puluw, ma ngan dag fare brochure ni Mmotoyil ngak Got me Yog e Yafas ni Manemus Ngom, min guy rogon ni ngan tabab i fil e Bible riy.

◼ Salpiy ni ayuw ni yibe pi’ nga branch ni fan ko fare maruwel ni yibe tay u ga’ngin yang e fayleng e susun ni ngan tay e “Watch Tower” ngay, min pi’ ko fare address ni Watchtower c/o Treasurer’s Office, 143 Jehovah St., Barrigada, GU 96913.

◼ Gubin e walag ndawor ra ngongliyed bang fare babyor ni ka nog e (DPA) card ngay e susun ni ngar ngongliyed. Re babyor ney ni ka nog e DPA card ngay e ra ayuwegem ni nge dab ni pi’ e racha’ ngom u nap’an ni kam m’ar. Piin nib t’uf e ayuw rorad u rogon i ngongliy e gi babyor ney e rayog ni nge ayuwegrad e piin piilal.—Mu guy e insert ko Machib Rodad Ni Fan Ko Gil’ilungun Got ko November 2006.