Boch Ban’en Nrayog ni Nga Nog

U Nap’an ni Ngan Wereg Babyoren e Puguran

“Kug bow ni nggu piew e re babyor ney ngom nge chon e tabinaw rom ni bay rogon nga reb e madnom nib ga’ fan ni yima tay ni gubin e duw u ga’ngin yang e fayleng. Ma re madnom ney e fan ko yam’ ni tay Jesus, ma biney e duw e ra yan i aw ko March 26. Yira pi’ e welthin nra tamilangnag ko uw rogon ni ke ayuwegdad fare yam’ ni tay. Ma kan yoloy ko re babyor ney e gin’en nge tayim ni yira tay e re muulung ney riy.”

Fare Wulyang ko Damit February 1

“Gamad baadag ni nggu nanged ko mang e ga be lemnag u murung’agen be’ nri ma tay e piin Kristiano fan, nge piyu Jew, nge piin Muslim. Cha’ nem e Moses. Mang e n’en nra yib ngan’um nsom’on u nap’an ni ga ra rung’ag fithingan? [Mmotoyil ko n’en nra yog.] Yugu aram rogon ni i oloboch Moses yu ngiyal’, ma rib ga’ fan ni ngan nang ko mang e be weliy e Bible u murung’agen. [Mu beeg e Deuteronomy 34:10-12.] Re babyor ney e be weliy murung’agen dalip i fel’ngin nge rogon ni ngad folwokgad rok.”

Fare Wulyang ko Damit February 1

“Boor e girdi’ ni yad be lemnag ni fare Moonyan’ e be k’aring e tin nib kireb u fayleng ni nge buch. Machane ku yad ma lemnag ko: ‘Uw e ke yib fare Moonyan’ riy? Gur, Got e ke sunmiy, fa?’ Mang e ga be lemnag? [Mmotoyil ko n’en nra yog.] Mu tay fanam i yan ko n’en ni gad ra beeg u roy.” Mu dag fare article ni bay u keru fare Wulyang ko Damit ni February 1, ma gimew weliy e bin som’on e paragraph nge fare thin nu Bible ni bay riy. Mu pi’ fare magazine ngak, mu yarmiy ni ngam sul ngak ya ngam weliyew e bin migid e deer.