Announcement

◼ Babyor ni ngan wereg ko pul ni March nge April: Fare Wulyang ko Damit nge Awake! Nap’an ni ngam sul ngan guy be’ ni baadag e machib, ma ngam dag fare babyor ni Mang e Ri Be Fil e Bible?, ma faanra ba puluw, ma ngam dag fare brochure ni Mmotoyil ngak Got me Yog e Yafas ni Manemus Ngom, mag guy rogon ni ngam tabab i fil e Bible ngak. May nge June: Ngan fanay fare tract ni kenggin e: Ga Baadag ni Ngam Nang e Tin Nriyul’?, Mini’ E Riyul’ Ni Be Gagiyeg U Fayleng?, ara Yafas U Fithik’ E Gapas U Lan Reb E M’ag Nib Biech. Faanra kam guy ni baadag be’ e machib ma rayog ni ngan tabab i fil e Bible ni yibe fanay fare ke babyor ni Mang e Ri Be Fil e Bible?, ara fare brochure ni Mmotoyil ngak Got me Yog Yafas ni Manemus Ngom.

◼ Yira madnomnag fare Puguran ko L’agruw Fen e Maruwel ko March 26, 2013. Faanra ma tay e ulung rom e muulung ko L’agruw Fen e Maruwel, ma rayog ni ngan thilyeg nga yugu reb e rran u lan fare wik. Faanra dabiyog ni ngan tay fare Service Meeting, ma en ni ma yarmiy e piin piilal e ra thilyeg e schedule ya nge yag ni ngan pi’ e pi welthin nib puluw ko ulung u nap’an e pi muulung ko re pul nem. Pi ulung nra yib e en ma lekag e ulung ni nge guyrad e susun ni ngar thilyeged e rran ko muulung rorad ni L’agruw fen e maruwel ni nep’ nga yugu reb e rran.