Boch Ban’en Nrayog ni Nga Nog

Rogon ni Ngan Tabab i Fil e Bible ngak Be’ ko Bin Som’on e Sabado ko Pul ni May

“Gamad be pi’ e athamgil nga laniyan’ e piin buguli yoror romad ni ngar beeged e Bible rorad. Machane boor e girdi’ ni yad be lemnag nib mo’maw’ ni ngan nang fan e Bible. Gur, ku aram rogon ni ga be lemnag? [Mmotoyil ko n’en nra yog.] Mu tay fanam i yan ko n’en ni be yog e re ke babyor ney.” Mu dag keru’ fare ke Wulyang ko Damit ni April 1, mi gimew weliy e thin u tan fa bin som’on e deer ma gimew beeg taareb e thin nu Bible ni bay riy. Mu pi’ fare babyor ngak, ma gimew weliy ko wuin e ngam sul ngam weliyew murung’agen e bin migid e deer.

Fare Wulyang ko Damit April 1

“Gubin e girdi’ ni kug nonad ngorad ma bay e magawon rorad. Aram fan ni boch e girdi’ e yad ma lemnag fan e yafas. Uw rogon u wan’um, mang e bin th’abi ga’ e magawon ni be mo’maw’nag ni nge yag e felfelan’ ngak e girdi’ e ngiyal’ ney? [Mmotoyil ko n’en nra yog.] Be micheg e Bible ni dabki n’uw nap’an ma ra chuweg Got e pi magawon ni ma yib ngodad e ngiyal’ ney. [Mu beeg e Revelation 21:4.] Re magazine ney e be weliy murung’agen e athap rodad boch nga m’on nge rogon ni nge yib fan e yafas rodad e ngiyal’ ney.”