Murung’agen e Machib

Nap’an e pul ni February 2014, me yan boch e walag u Marshall ko machib nga reb e donguch u rom ni ka nog yu Wotje ngay. L’agruw e wik n’umngin nap’an nranod ngaram. Ma nap’an ni yad bay u rom mar pied 531 ken e brochure, nge 756 e magazine, nge medlip ken e babyor, mi yad tababnag l’agruw e Bible study. Kur ted boch e babyor rok boch e girdi’ ni baadag e machib ni ngar pied ngak chon e tabinaw rorad nge pi fager rorad nge mada’ ko ngiyal’ ni bay kur sulod bayay.