Boch Ban’en Nrayog ni Nga Nog

Fare Wulyang ko Damit August 1

“Daba’ e gamad be non ko girdi’ u murung’agen rogon ni ngan athamgil u fithik’ reb e magawon nib ga’ ni gad ma mada’nag e ngiyal’ ney. Re magawon ney e aram e nap’an nra yim’ be’ nib t’uf rodad. Gur, ga be lemnag nriyul’ e re n’ey? [Mmotoyil ko n’en nra yog.] Mmotoyil ko re thin ni baaray u Bible nrayog ni nge pi’ e athamgil nga lanin’um. [Mu beeg e Revelation 21:3, 4.] Be pi’ e Bible e athamgil nga lanin’dad nra boch nga m’on ma rayog ni ngkud guyed e piin ni yad ba t’uf rodad bayay. Re babyor ney e be weliy rogon nra buch e re n’ey.”

Thin nib Fel’ ni Yib rok Got!

“Ku gub ni nggu dag ngom ni gathi rib mo’maw’ ni ngan nang ko mang e n’en nib m’agan’ Got ngay ni fan ko girdi’ gabul nge langlath. Kaam lemnag ko rayog rok Got ni nge chuwegdad u fithik’ e gafgow, fa? [Mmotoyil ko n’en nra yog.] Re brochure ney e ra dag ko uw u Bible e rayog ni ngan pirieg e fulweg riy. [Mu pi’ ba ken ngak, ma gimew beeg e bin som’on e paragraph ko bin 1 e guruy, nge Jeremiah 29:11.] Ere bochan e n’en ni kad filew u roy, mab puluw u wan’um ni baadag Got ni nge pi’ e yafas nib fel’ ngodad boch nga m’on, fa? [Mmotoyil ko n’en nra yog.] Faanra ga baadag, ma nggu pi’ e re ke babyor ney ngom. Bin migid, ma rayog ni ngad beeged e bin l’agruw e paragraph ya nge yag ni ngad pirieged e fulweg ko re deer ni baaray, ‘Uw rogon ni nge chuweg Got lik’ngin e magawon ni ma yib ko girdi’?’” Faanra kam guy ni faen ni ga be machibnag e rayog ni ngam nonow nib n’uw boch nap’an, ma rayog ni ngam beegew ma gimew weliy e bin migid e paragraph nge fa dalip e thin nu Bible ni bay riy. Mu yarmiy ni ngam sul ngak ya ngam weliyew e bin l’agruw e deer ko re guruy nem.