Gur, Ga Ma Pag e Thin rok Got Nge Pow’iyem ni Gubin e Rran?

Gad ra beeg e thin rok Got ni gubin e rran ma rayog ni nge ayuwegdad ni nge ‘toar lik’ngidad’ miki gel e ‘michan’’ rodad. (Kol. 2:6, 7) Machane, faanra ngad paged e Thin rok Got ni nge pow’iydad, mab t’uf ni ngad fal’eged i lemnag ma gad fol riy. (Heb. 4:12; Jas. 1:22-25) Be tamilangnag e Joshua 1:8 (NW) dalip e kanawo’ u rogon ni ngan beeg e Thin rok Got ni gubin e rran: (1) Ngan beeg ni “rran nge nep’.” (2) Ngan beeg nib “achig lamay,” nre n’ey e be yip’ fan ni ngam beeg u reb e kanawo’ nra ayuwegem ni ngam fal’eg i lemnag mag susunnag murung’agen e pi n’en ni ga be beeg. (3) Mag gay rogon ni ngam “rin’ urngin ban’en ni ba’ riy ni kan yoloy.” Gad ra athamgil ni ngad folgad ko pi n’ey, ma pi n’en ni gad ra “dugliy” ni ngad rin’ed e ‘ra yan i aw nib fel’.’