Murung’agen e Machib

Immoy reb e skul nni tay u Saipan ko January nge mada’ ko May ko 2015 ni pi walag u rom e yad be fil e thin ni Chinese. Fan ni kan tay e re skul nem e bochan ni ngan ayuweg e pi walag ni ngar machibnaged e girdi’ nu China nib fel’ rogon. Ma kun ayuwegrad ni ngar nanged rogon ni ngar machibgad ni yad be fanay fare cart. Re n’ey e ra yib angin ko re binaw ney ni Saipan nge Tinian ya boor e girdi’ nu China ni yad ma yan e ngaram ni gubin e pul.