Fare Yiiy ni Ke Lebguy fare Messiah

Boch e chibog u m’on nni gargeleg Jesus riy, me yiiynag Isaiah nra machib fare Messiah ‘ko ngek nga ba’nem e Jordan nge yan i mada’ nga Galile.’ I lebguy Jesus e re yiiy ney u nap’an ni be yan u lan fare binaw nu Galile ni be machib ma be fil fare thin nib fel’ ko girdi’.​—Isa 9:1, 2.

• I ngongliy e bin som’on e maang’ang ​—Joh 2:1-11 (Kana)

• Ke mel’eg e pi apostal rok ​—Mr 3:13, 14 (bang nib chugur nga Kapernaum)

• Ke pi’ fare Welthin u Daken e Burey ​—Mt 5:1–7:27 (bang nib chugur nga Kapernaum)

• Ke faseg be’ nib pagel ni fak be’ nib pin ni ke yim’ figirngin​—Lu 7:11-17 (Nain)

• Tomuren ni kan faseg ko yam’ me m’ug ngak pi gachalpen ni yad ba pag lal miriay​—1Ko 15:6 (Galile)