‘Nga Nog ni Ke Taw Nga Nap’an ni Nge Chuweg’ Jehovah e Girdi’ Rok u Pa’ e Toogor Rorad

“Ke taw nga nap’an ni nge chuweg” Jehovah e girdi’ rok u pa’ e toogor rorad

61:1, 2, NW

• Ireray e ngiyal’ nra bing Jehovah e kanawo’ ngak e piin nib sobut’an’rad ni ngar folgad ko fare thin nib fel’ ni yibe machibnag

• Ke tabab e ngiyal’ ni nge ayuweg Jehovah e girdi’ rok u pa’ e pi toogor rorad ko bin som’on e chibog u nap’an ni tabab Jesus ko machib ko duw ni 29 C.E. Me mus e re ngiyal’ i n’em u nap’an ni “sulweg” Jehovah taban e kireb ni ke rin’ e girdi’ rok u nap’an nni gothey yu Jerusalem ko duw ni 70 C.E.

• Ngiyal’ ney ni gad bay riy e ke tabab e re ngiyal’ ni nge ayuweg Jehovah e girdi’ rok u nap’an nni pilungnag Jesus ko duw ni 1914, ma ra yan i mus ko ngiyal’ nra yib fare gafgow nib ga’

Ke tow’athnag Jehovah e girdi’ rok u daken boch e pumoon ni kan taarebrogonnagrad nga yu ke “gek’iy” ni gagang’ ni Got e yung nra bagayad ma bayi rin’ e tin nib mat’aw

61:3, 4

• Tin th’abi n’un’uw ken e gek’iy e ba ga’ ni ma tugul u taabang u lan e loway nra ba ken ma be ayuweg ba ken

• Lik’ngin e pi gek’iy ney nib ga’ e rayog ni nge peth nga taabang me par nib meyuluy u but’. Ma nap’an nra yib e nifeng nib gel ma ra mo’maw’ ni nge thig

• Gek’iy nib gagang’ ken e be tagalul’nag e yu ken nib achig, ma yuwan ni ma mulmul nga but’ e be yong’olnag e but’

Gubin girdien e ulung ni Kristiano u ga’ngin yang e fayleng e ma yib angin ngorad e ayuw ni ma pi’ fapi’ “gek’iy” ni gagang’ ni Got e yung ni be yip’ fan girdien fachi ulung ni yad ba mat’aw