Gubin e Thin ni Ma Yog Jehovah e Ma Yan i Aw nib Riyul’

Rib puluw rogon ni ke yiiynag Jehovah murung’agen boch ban’en nra buch boch nga m’on

“Mu uthumed e pi gan e gat’ing romed”

51:11, 28, BT

• Pi salthaw nu Media nge Persia e yad ba salap ko mun gat’ing, mab ga’ ni aram e miti talin e cham ni yad ma fanay u nap’an e mahl. Yad ma fal’eg i uthum gan e gat’ing rorad ya nap’an e nge rag ku be’ ma rib mom ni nge rich nga fithik’ i dow

“Salthaw nu Babylon e kar talgad ko mahl”

51:30, BT

• Rogon ni bay ko fare Nabonidus Chronicle e: “Nap’an ni yib fapi salthaw rok Cyrus nga Babylon ma de t’uf ni ngar chamgad ko girdi’ u rom.” Re n’ey e be dag nib mom rogon ni kar koled e re mach nem mab puluw ko n’en ni yiiynag Jeremiah murung’agen

“Re binaw nem e bayi par ni dakuriy woton u but’ [ma ra] bod bangi daken e ted ni desert ni dariy n’umngin nap’an”

51:37, 62, BT

• U tabolngin e duw ni 539 B.C.E., ma aram e ngiyal’ ni tabab ni nge war yu Babylon. I gay Alexander ni Pilung nu Greece rogon ni nge n’igin yu Babylon ni nge mang tochuch ko pi binaw ni be gagiyegnag, machane me yim’ nib tomgin. Nap’an e ngiyal’ ni tabab e Kristiano, ma immoy ba ulung i Jew u rom u Babylon, ma aram fan ni yan apostal Peter e ngaram ni nge guyrad. Machane nap’an ni taw ko bin aningeg e chibog C.E., ma aram e ke par e gin’em ndakuriy woton u but’ ni ke mang bangi ted ndakuriy be’ ni ma par riy

Bochan ni ke lebug e pi yiiy u Bible, ma uw rogon nrayog ni nge yib angin e re n’ey ngog?

Mang e rayog ni nggu fil ngak e girdi’ u murung’agen e re yiiy ney?