Fare Fanathin u Murung’agen e Wheat nge Pan

Ke weliy Jesus fare fanathin ni murung’agen e wheat nge pan ni nge tamilangnag rogon ni yira kunuy e piin ni yad bod e wheat ni aram e pi Kristiano ni kan dugliyrad, nge ngiyal’ ni ngan rin’ e re n’ey riy ni aram e n’en ni buch ko duw ni 33 C.E.

13:24

“Be’ nib moon ni wereg awochngin e woldug nib fel’ u milay’ rok”

• Fare moon ni wereg e awoch: Jesus Kristus

• Kan wereg awochngin e woldug nib fel’: Kan dugliy pi gachalpen Jesus u daken gelngin Got nib thothup

• Fare milay’: Girdi’ u ga’ngin yang e fayleng

13:25

‘Ngiyal’ ni goo kan mol, me yib e toogor rok i wereg awochngin e pan nga fithik’ fare woldug rok ni wheat’

• Fare toogor: Moonyan’

• Ngiyal’ ni goo kan mol: Aram e ngiyal’ ni yim’ e pi apostal

13:30

“Mpaged e woldug nge pan nge ga’ u taabang nge mada’ ko ngiyal’ ni ngan kunuy”

• Wheat: Pi Kristiano ni kan dugliyrad

• Pan: Piin ni yad ma dake yad e Kristiano

‘Som’on e ngan pug e pan . . . , ngemu’ min kunuy e woldug ngan tay nga naun’

• Pi tapigpig/piin ni ngar kunuyed e woldug: Pi engel

• Ngan kunuy e pan: Kan kieg e pi Kristiano ni kan dugliyrad rok e piin ni yad ma dake yad e Kristiano

• Ngan kunuy e woldug ngan tay nga naun: Kan kunuy e pi Kristiano ni kan dugliyrad nga lan e ulung rok Got ni kan beechnag

Nap’an ni tabab e ngiyal’ ni ngan kunuy e woldug, ma uw rogon ni gagiyel e n’en nib thil u thilin e tin riyul’ e Kristiano nge piin ni yad ma dake yad e Kristiano?

Faanra tamilang e re fanathin ney u wan’ug, ma uw rogon nra yib angin ngog?