Ngan Golnag e Girdi’ ko Rofen ni Sabbath

3:1-5

Mang fan ni kari kireban’ Jesus nga rogon ni ma lem e pi tayugang’ ko teliw nu Jew? Fan ni ke kireban’ ngorad e bochan ni kar ngongliyed boch e motochiyel ni fan ko Sabbath ni be tomalnag laniyan’ e girdi’. N’en ni kar rin’ed e kar puthuyed yugu boch motochiyel ko fare motochiyel ko Sabbath. Bod ni, ra rofen nem ma mus ngak reb e lal nib achichig ma dabiyog ni ngan li’. Maku reb e, dabiyog ni ngan ayuweg be’ ni ke m’ar ni faanra ku rayog ni ngki mun nga reb e rran. Re n’ey e be yip’ fan ni faanra ke m’ing ara ke thil e yil u bang u dow be’, ma dabiyog ni ngan ayuweg. Ere be tamilangnag e re n’ey ni pi tayugang’ ko teliw e darur lemnaged ni ngar ayuweged fare moon nib marwoth barba’ i pa’.