Dabi “Mulan’dad”

4:16-18

Mu susunnag l’agruw i tabinaw ni yow be par u lan ba naun ni ke kireb. Girdien reb e re tabinaw nem e ri be gafgow lanin’rad. Machane, bin ni ka bay e tabinaw e ri yad ba felfelan’. Gur, mang fan nri yad ba felfelan’? Ya dabki n’uw nap’an ma yad ra yan ni ngar pared nga reb e naun ni kab beech mab manigil.

Yugu aram rogon ni “urngin e tin ni ke sunumiy Got e be gel’gel’ ko amith ni bod rogon e amith ko gargel, ni kab kakrom i yib ke mada’ ko chiney,” machane pi tapigpig rok Got e bay e athap rorad ni ma pi’ e athamgil nga lanin’rad u fithik’ e gafgow ni yad ma mada’nag. (Ro 8:22) Gad manang ni magawon rodad e ngiyal’ ney nge tin ni ud gafgowgad riy ni kab kafram i yib e “dabi n’uw nap’an” ma ra m’ay ni faan gad ra taarebnag nga rogon e par rodad u lan e bin nib beech e m’ag rok Got. Ere faan gad ra yiluy owchedad ko pi tow’ath nra yag ngodad u tan Gil’ilungun Got, ma ra ayuwegdad ni ngad felfelan’gad ma dabi mulan’dad.