BOCH E THIN NIB GA’ FAN KO THIN ROK GOT

Ke Yarmiy Jehovah e Girdi’ Rok

[Ngan pag fare video ni Introduction to Numbers.]

Nap’an nra n’uf piyu Israel e tent rorad ko gin ngar pared riy, ma yad ma fol u rogon ni ke yarmiyrad Jehovah ni aram e dalip e ganong u lan reb e ulung (Nu 1:52, 53; w94-E 12/1 9 ¶4)

Ba gaman 3,000,000 ara ba pag urngin piyu Israel ni yad bay ko gin yad be par riy (Nu 2:32, 33; it-1-E 397 ¶4)

Baadag Jehovah ni nge yaram rogon ni ma liyor e girdi’ rok ngak. Aram rogon e liyor ni i tay piyu Israel kakrom maku arrogon e ngiyal’ ney.—1Ko 14:33, 40.

Rogon ni ke n’uf piyu Israel e tent rorad ni kan par u bang nib tolang yibe guy nga but’. Bay fare tabernacle u lukngun. Girdien fare ganong rok Levi e yad e th’abi chugur e tent rorad ko fare tabernacle: Bay e ganong rok Aron ko ngek, ma ganong rok Kohath e bay ko yimuch, ma ganong rok Gershon e bay ko ngal, ma ganong rok Merari e bay ko lel’uch. Ma bay fare 12 i ganong nu Israel ni yad ba palog boch ko pi tent ney. Bay e ganong rok Issakar, nge Judah, nge Zebulun ko ngek. Ma ganong rok Gad, nge Reuben, nge Simeon e bay ko yimuch. Ma ganong rok Benjamin, nge Efraim, nge Manasseh e bay ko ngal. Ma ganong rok Naftali, nge Dan, nge Asher e bay ko lel’uch.

MU FITHEM NI NGE LUNGUM, ‘Uw rogon ni nggu dag nri gu be ayuweg e ulung rok Jehovah?’