Mu Fal’eg i Mel’eg e Pi Fager Rom

Bay ban’en nrayog ni nge fil e piin Kristiano ko n’en ni buch rok piyu Israel u nap’an ni yad bay u daken e tafel’fel’ nu Moab. (1Ko 10:6, 8, 11) Piyu Israel nra tababgad ni ngar chaggad e ppin nu Moab ni yad ma un ko ngongol ndarngal ma yad ma meybil ko liyos e munmun min waliyrad ngar rin’ed boch e denen nib ubchiya’. Bochan e re n’ey, ma aram me yib wenegan ngorad nrib kireb. (Nu 25:9) Ku arrogodad ni bay e girdi’ ni gad ma maruwel u taabang, nge piin gad nga skul, nge pi buguli yoror rodad, nge girdi’ rodad, nge yugu boch e girdi’ ni gad manang ndarur pigpiggad ngak Jehovah. Ere mang e rayog ni ngad filed ko re n’ey ni be weliy e Bible u murung’agen boch ban’en nib kireb nrayog ni nge buch ni faan gad ra mang fager rok e piin darur pigpiggad ngak Jehovah?

NGAN YALIY FARE VIDEO NI WARNING EXAMPLES FOR OUR DAY​—EXCERPT, NGEMU’ MIN PI’ E FULWEG KO PI DEER NEY:

• 

  Mang e yog Zimri nge yugu boch e girdi’ nu Israel ngak Jamin ni be m’ug riy nde puluw e n’en yad be lemnag?

• 

  Uw rogon ni ayuweg Finehas Jamin ni nge puluw rogon e lem rok u murung’agen e re n’ey?

• Uw rogon nib thil e bin ngam gol ku be’ nde taareb e michan’ romew nge bin ngam mang fager rok?

• Mang fan nsusun e ngad kol ayuwgad ko piin gad ma mel’eg ni ngar manged fager rodad nrib chugur thildad ni kub muun e girdi’ u lan e ulung ngay?

• Mang fan nsusun e ngad siyeged boch e chat group ni bay ko Internet ni ke ngongliy boch e girdi’ ndad nanged yad nib fel’ rogon?