Mu Gagiyegnag e Pi N’en Ga Ma Ar’arnag

Bochan ndawor da flontgad, ma gubin ngiyal’ nib t’uf ni ngad guyed rogon ni ngad gagiyegnaged e pi n’en gad be ar’arnag. Ya faanra danga’, ma rayog ni nge dab kud fel’gad u wan’ Jehovah. Bod ni bay boch e girdi’ ni kab gel e t’ufeg rorad ko ggan, nge mad, nge naun ko t’ufeg rorad ngak Got. Ma boch e girdi’ e yad ma rin’ boch ban’en ni nge chuweg e ar’ar rorad ni fan ko par ko pumoon nge ppin u reb e kanawo’ nib togopuluw ko pi motochiyel rok Got. (Ro 1:26, 27) Ku boch e girdi’ e yad ma pag yugu boch e girdi’ ni ngar suruyed yad ko ngongol nib kireb ni bochan e yad baadag ni ngan adag dakenrad.​—Ex 23:2.

Uw rogon nrayog ni ngad gagiyegnaged e pi n’en gad ma ar’arnag? Thingar da athamgilgad u rogon nrayog rodad ni ngaud lemnaged e tin nib m’agan’ Jehovah ngay. (Mt 4:4) Susun e ngkud weniggad ngak Jehovah ni nge ayuwegdad ni ngad gagiyegnaged e pi n’en gad ma ar’arnag. Mang fan? Ya manang e n’en nth’abi fel’ ni fan ngodad, nge rogon ni nge pi’ e tin nib fel’ ni gad baadag ni nge yag ngodad.​—Ps 145:16.

NGAN YALIY FARE VIDEO NI DON’T LET YOUR LIFE GO UP IN SMOKE, NGEMU’ MIN PI’ E FULWEG KO PI DEER NEY:

• 

  Mang fan ni ma thoy boch e girdi’ e tamagow?

• 

  Faanra um thoy e tamagow, ma mang e rayog ni nge rin’ ngom?

• 

  Mang fan nib kireb e mathoy tamagow nge ban’en ni yima rin’ ni ka nog e vaping ngay?​—2Ko 7:1

• 

  Uw rogon ni ngam siyeg ndab mu un ko mathoy tamagow ara ngam tal ko mathoy tamagow?