Ba Ga’ Fan e Meybil Rodad u Wan’ Jehovah

Meybil nib m’agan’ Jehovah ngay e bod e incense nib fel’ bon ni yima urfiy u p’eowchen u tempel ni gubin e rran. (Ps 141:2) Nap’an ni gad ra yog ngak e Chitamangidad ni bay u tharmiy gelngin feni t’uf rodad nge rogon nib ga’ fan u wan’dad, nge pi magafan’ rodad nge pi n’en gad baadag, ma gad yog ngak ni nge pow’iydad, ma aram e gad be dag nib ga’ fan u wan’dad e tha’ u thildad. Riyul’ ni meybil nib ngoch ni yima fek u nap’an e muulung rodad e ma tay Jehovah ni aram bang ko liyor rodad nib ga’ fan. Machane ba mudugil nri ma felfelan’ u nap’an ni gad ra weliy urngin ban’en ni bay u lanin’dad ngak nib n’uw nap’an u nap’an ni gad be meybil ngak ni yigoo gadad!​—Pr 15:8.

NGAN YALIY FARE VIDEO NI I AM DEVOTED TO PRAYER, NGEMU’ MIN PI’ E FULWEG KO PI DEER NEY:

• Mang boch e maruwel ni ke rin’ Brother Johnson ni fan ko pigpig rok ngak Jehovah?

• Mang boch ban’en ni buch rok Brother Johnson ni i taga’ riy ngak Jehovah u daken e meybil?

• Mang boch ban’en ni kam fil ko pi n’en ni buch rok Brother Johnson?