Piin Piilal ni Yad Ma Ayuweg e Girdi’ rok Jehovah

Boor e girdi’ ndubrad daken e piin ma yog e thin. Gad manang fan ni yad ma lem ni aray rogon. Kab kafram i yib ni ma fanay e girdi’ mat’awrad nib kireb rogon ya nge mang yad e fel’ rogorad riy. (Mik 7:3) Gad ba felfelan’ ngay ni kan fil ngak e piin piilal u lan e ulung rogon ni ngar maruwelgad nga mat’awrad u reb e kanawo’ nra yib angin ko girdi’ rok Jehovah.​—Es 10:3; Mt 20:​25, 26.

Piin piilal e yad ba thil ko piin ma yog e thin u fayleng ni bochan e yad ma rin’ e maruwel rorad ya ba t’uf Jehovah nge girdi’ rok rorad. (Joh 21:16; 1Pe 5:​1-3) Ma pow’iy Jesus e pi piilal ney ni ngar ayuweged e pi walag ni ngar nanged ni yad bang ko tabinaw rok Jehovah mar pared ni yad ba chugur ngak. Yad ma gur ni ngar pied e athamgil nga laniyan’ e pi saf rok Jehovah, mar ayuweged yad u nap’an ni ke m’ar bagayad nib tomgin, ara ke buch ban’en ni ke gafgow boch i yad riy. Faanra ke t’uf e ayuw rom, mag ning e ayuw ngak reb e piilal u lan e ulung rom.​—Jas 5:14.

NGAN YALIY FARE VIDEO NI SHEPHERDS WHO CARE FOR THE FLOCK, NGEMU’ MIN PI’ E FULWEG KO PI DEER NEY:

• Uw rogon ni yib angin e ayuw ni pi’ e piin piilal ngak Mariana?

  Fulweg rom

• Uw rogon ni yib angin e ayuw ni pi’ e piin piilal ngak Elias?

  Fulweg rom

• Tomuren ni kam yaliy e re video ney, ma uw rogon u wan’um e maruwel ni ma rin’ e piin piilal?

  Fulweg rom