Ngan Athamgil u Fithik’ e Ngongol Nde Mat’aw

Mu beeg e Genesis 37:​23-28; 39:​17-23 ni ngam fil ban’en ko n’en nde mat’aw ni buch rok Josef.

Mu yaliy e thin ni bay u m’on ngu tomuren e re thin ney. Mang fan nrin’ boch ban’en ngak Josef nde mat’aw? (Gen. 37:​3-11; 39:​1, 6-10) Uw n’umngin nap’an ni buch e re n’ey rok? (Gen. 37:2; 41:46) Mang e rin’ Jehovah ni fan ngak Josef e ngiyal’ nem, ma mang e de rin’?​—Gen. 39:​2, 21; w23.01 17 ¶13.

Mu gay murung’agen boch ban’en riy. Der yog e Bible ni yog Josef nde riyul’ e thin ni t’ar leengin Potifar nga daken. Uw rogon nrayog ni nge ayuwegdad e pi thin nu Bible ney ni ngad lemnaged fan nrayog ni mel’eg Josef ni nge th’ab gulungan ara fan nde t’uf ni ngad lemnaged ni ngan tamilangnag gubin ban’en riy? (Prov. 20:2; John 21:25; Acts 21:37) Mang boch e fel’ngin nrayog ni ayuweg Josef ni nge athamgil u fithik’ e ngongol nde mat’aw ni un rin’ ngak?​—Mik. 7:7; Luke 14:11; Jas. 1:​2, 3.

Mu lemnag e n’en kam fil mag fol riy. Mu fithem ni nge lungum:

• ‘Mang boch ban’en nde mat’aw ni gu manang ni yira rin’ ngog ni bochan e gag reb i gachalpen Jesus?’ (Luke 21:​12, 16, 17; Heb. 10:​33, 34)

• ‘Mang e rayog ni nggu rin’ e chiney ya nge yag ni nggu athamgil u fithik’ boch e ngongol nde mat’aw?’ (Ps. 62:​7, 8; 105:​17-19; w19.07 2-7)