U Lan E Re Ke Babyor Ney

Tang ni ma yon’ e pi tapigpig rok Jehovah e kab kafram i yib ni aram bang ko liyor rorad nib ga’ fan. Machane, bay boch e walag nsana yad be tamra’ ni ngar tanggad u p’eowchen e girdi’. Ere, uw rogon ni ngad nanged rogon ni ngad pininged e sorok ngak Jehovah u daken e tang ndab da rusgad? Re article ney e be weliy boch i fan nib fel’ ni ngad tanggad u fithik’ e felfelan’, maku be pi’ boch e fonow ngodad u rogon ni ngad mon’oggad ko tang.

Bay boch ban’en nib manigil nrayog ni ngad filed u murung’agen e yaram nni ngongliy ni fan ko fapi binaw ni tagil’ e ayuw u Israel kakrom. Bin som’on e article e gad ra weliy riy rogon nrayog ni nge nab be’ ni ke denen nga tan pa’ Jehovah e ngiyal’ ney. Ma bin migid e article e gad ra weliy riy rogon ni be ayuwegdad e n’en ni ke rin’ Jehovah ni ngad n’aged fan e kireb ni ke rin’ be’ ngodad, ma gad tayfan e yafos, ma gad rin’ e tin nib mat’aw ban’en.

Gal article ney e ba puluw e thin riy ko n’en ni bay ko fagi babyor nni thagthagnag nga laniyan’ Paul nge yoloy ngak e pi Kristiano u Kolose. Bin som’on e article e be weliy e n’en nrayog ni ngad rin’ed u nap’an ni kad rung’aged murung’agen boch e lem ni ke garer u fayleng nib mom ni nge m’agan’dad ngay. Ma bin migid e article e be weliy rogon ni ngad siyeged boch e lem nrayog ni nge talegdad ndabi yag ngodad e pi tow’ath ni ma pi’ Jehovah.