Song 6 (13)

Ognagey ko Kristiano

(Exodus 39:⁠30)

1. Bochan ni sunmiy Jehovah

E palpal th’ib nrib fel’,

Fayleng nge tharmiy mmil fan ngak,

Ya sunumeg u pa’.

Ke pi’ e yafos ko girdi’

Me dag ko tin sunumeg

Ni bay rogon ni ngan liyor ngak,

Min pining e sorok ngak.

2. Kakrom ma girdi’ nu Israel,

U Sinai kar rogned:

‘Pi motochiyel ni yib rok Got

E gamad ra fol riy.’

Got bod e an figirngirad;

Ke chuwegrad u maday.

Kar ognaged yad ni yad ba nam

Ni ngar pired nib yul’yul’.

3. Ntaufenag Jesus u maran

Nge rin’ e tin mat’aw,

Ke ognag ir ni nge ngongliy

E tin mm’agan’ Got ngay.

Ke for nga lang u lan e lul’,

Kan dugliy ir Fak Got,

Me pigpig ku Got ni ba yul’yul’,

Ya ir ani dugliy Got.

4. Gamad ma yib ngom Jehovah

Ngan nog e sorok ngom.

Kug paged famad ni fan ngom,

Ni gu pigpiggad ngom.

Fakam ni rib maagirag rom,

E ir e biyuliymad.

Dab kugu pired ni fan ngomad,

Gamad ra par ni fan ngom.