Tang 10 (27)

Dab Mu Rus Ngorad!

(Matthew 10:⁠28)

1. Ngam mon’oggad, girdi’ rok Got,

Mwereged fare thin nib fel’.

Dab mu rusgad ko toogor.

Ya nge nang e pi girdi’

Ni Kristus e be gagiyeg,

Kan tharbog Satan nga but’,

Dabi n’uw nap’an ma Satan

E ra m’ay mi gimed flaab.

(Chorus)

2. Ri boor e toogor ni

Yad e tatogopuluw.

Mab sasalap l’iginrad,

Ya ngar bannaged gimed.

Dab mu rusgad pi salthaw rog,

Dabi war gum’erchamed

Ya gu ra ayuwegmed ni

Dab ni magawonnagmed.

(Chorus)

3. Dab mu rusgad gu bay romed;

Dab gu pag talin gimed.

Dab ku mu rusgad ko yam’,

Ya bay gu faseg e yam’.

Dab mu rusgad pi salthaw rog

Ko kireb ni yibe yog.

Ya gu ra ayuwegmed ya

Gimed e tapigpig rog.

(CHORUS)

Dab mu rusgad ngak e girdi’

Ni ra thang e fan romed.

Mu yul’yul’gad ma aram e

Rayog e tow’ath ngomed.