Tang 14 (34)

Ngad Ngongolgad Nrogon Fithingdad

(Isaiah 43:​10-12)

1. O Got Jehovah, gab gel ma gab mat’aw,

Gab yal’uw ma ga ma runguymad,

Thin ni ba riyul’ nge gonop e bay rom,

Bay Gil’ilungum u tharmiy u lang.

Bokum e engel ni yad ma pigpig ngom;

Tin nsunumeg e ma yog nrib sorom.

Kam piningmad ni gamad e pi mich rom;

Nguugu pininged e sorok ngom.

2. Mu ayuwegmad u gubin e ngiyal’

Ni fan e nggu ted fan fithingam,

Ra mon’og e machib ni gamad ma tay

Gamad ra fol ko motochiyel rom.

Gamad ra ayuw u gubin e ngiyal’,

Ya ri mu tamra’ ko ngongol romad.

Gamad ba tow’ath ya gamad e mich rom;

Nguugu pininged e sorok ngom.

3. U taabang e gamad ra pigpig ngom,

Gapas nge t’ufeg e kam pi’ ngomad,

Gubin e rran ma ba fel’ laniyan’mad;

Gamad falan’ ni nga nog nib sorom.

Nggu pired ni gamad ma n’uf fithingam;

Ma nggu weliyed e tin nib riyul’;

Ma rayog ni nga mu falfalan’ ngomad,

Am falan’ ngomad, O Jehovah Got!