Tang 91 (207)

Mil Fadad Ngak Mini’?

(1 Korinth 6:⁠20)

1. Ke mil fam ngak mini’?

Mini’ e ga ma fol rok?

Ya fa en ni ga ma folwok rok

E ir e ga be pigpig ngak.

Dabiyog ni nge l’agruw

E Got u gum’erchaem

Ya ri dabiyog ni ngam pigpig

Ngorow ni yow l’agruw.

2. Ke mil fam ngak mini’?

Mini’ e ga ra fol rok?

Ya reb e briyul’ ma reb e ban.

Mu mel’eg reb; ke mil fan ngom.

Ka ga ra tay tanggin

E am ko re fayleng ney?

Fa Got nib riyul’ e ga ra fol rok.

Ngam rin’ e n’en m’agan’ ngay?

3. Ke mil fag ngak mini’?

Gu ra fol rok Jehovah.

Gu ra pigpig ngak fare Got nriyul’;

Gu ra rin’ e n’en ni ku gog.

Dabgu fol ko girdi’;

Ya ke biyuliyeg Got.

Ya ke yim’ Fak me pi’ e biyul;

Dabku gu un ko kireb.

4. Ke mil fadad ngak Got!

Ri dariy e marwar riy.

Ya ri gad be par u taabang.

Ni bod rogon ni kan yiiynag.

Bod rogon fare gapgep.

Daken lolugen e prist.

Gad ma falfalan’ ko pi muulung

Ni ma fil e thin nriyul’.