Pi Fager Rok Got E Ma Palog Ko Tin Nib Kireb

Ma suruy Satan laniyan’ e girdi’ ni ngar rin’ed e pi n’en nib kireb. En baadag ni ngar fagergow Got e rib t’uf ni nge fanenikay e tin ma fanenikay Jehovah. (Psalm 97:10) Baaray boch ban’en ni nge palog e pi fager rok Got riy.

Par ko Pumoon nge Ppin e Ba Denen. Dabmu parew be’ ni gathi mabgol rom.” (Exodus 20:14) Nguun par ndawor ni mabgol e kub kireb.​—1 Korinth 6:18.

Chingaw. Piin ma chingaw . . . e dabiyog ni nge mang girdien e gin suwon Got.​—1 Korinth 6:10.

Ma Li’ Girdi’ nge Ma Li’ Bitir u Meyal. “Ri dabmu li’ be’ ngem’.”​—Exodus 20:13.

Moro’ro’. “Ri dabmu moro’ro’.”​—Exodus 20:15.

Malulfith Ligin’. Jehovah rib fanenikay e “yunmon ni ma lifith e thin.”​—Proverbs 6:17.

Wadmang nge Damumuw nib Pag Rogon. “[Jehovah] ri ma fanenikay e en baadag e wadmang.” (Psalm 11:5) “Ngongol ko dowef [e ba muun ngay] . . . e damumuw.”​—Galatia 5:19, 20.

Gambling. “Dab un chag ku be’ . . . nib chogow.”​—1 Korinth 5:11.

Fanenikay ni Bochan e Raen Dow e Girdi’ nge Yalen. “Nguum runguyed e pi toogor romed muum yibilayed e piin be gafgownagmed.”​—Matthew 5:43, 44.

Pi n’en ni ma yog Got ngodad e fan e nge fel’ rogodad. Gathi gubin ngiyal’ ma mmom ni ngad paloggad i rin’ e kireb. Ma bochan e ayuw rok Jehovah nge Pi Mich Rok, ma aram fan nrayog ni nge dabkum rin’ e pi n’en nde m’agan’ Got ngay.​—Isaiah 48:17; Filippi 4:13; Hebrews 10:24, 25.