Nguud Folgad rok Got!

1. Um fol rok Got u fithik’ e

Sobt’an’, t’feg, nge yul’yul’.

Um par ni gab yul’yul’ ku Got;

Mag pag nge pi’ gelngim.

Ram fol ko thin rok, ma dabi

Bannagem e girdi’;

Mpag Got ni nge pow’iyem ni

Bod rogon bochi tir.

2. Nguum par ni gab machalbog;

Ma dab kum rin’ e kreb.

Mu gel ko tirok Got ban’en,

Me yag nim fel’ u wan’.

Pi n’en nib machalbog, mab fel’

Mab riyul’, mab mat’aw,

Ir e ngam sguy nga lanin’um,

Me pagan’um ngak Got.

3. Um par ni gab yul’yul’ ngak Got,

Ya nge yag nim pireg

E bin riyul’ e felfelan’,

Ni ir e th’abi fel’.

Um fol rok Got; mag felfelan’

Mag pning e sorok ngak.

Maruwel rok e ra yognag

E felfelan’ ngodad.