Tang 153
Uw Rogon u Wan’um?
(Hebrews 13:15)
Uw rogon u wan’um
ni ngam mchib ni gab pasig,
Mag ayuweg e girdi’
nib fel’ gum’irchaen?
Gra rin’ e tin rayog
rom ma ra aywegem Got.
Manang e piin ni yad
ba’dag e tin riyul’.
(CHORUS)
Gad ba’dag ni ngad weliyed
e n’en bay u gum’ircha’dad.
Ere ngad pinnged e sorok
ngak ni gubin ngiyal’.
Uw rogon u wan’um
ni faanra motoyil
e girdi’ ko n’en ni ga
be machibnag ngorad?
Bay boch e girdi’ ni
dubrad ni ngar mtoyilgad.
Machne ka gad be machibnag
murnga’gen fithngan.
(CHORUS)
Gad ba’dag ni ngad weliyed
e n’en bay u gum’ircha’dad.
Ere ngad pinnged e sorok
ngak ni gubin ngiyal’.
Uw rogon u wan’um
e ayuw nma pi’ Got ngom
nge re maruwel ney ni
ke pi’ ngom ni ngam rin’?
Gadad ma machib u
fthik’ e felflan’ nge gonop,
Ya ke chugur ni nge m’ay
e re maruwel ney.
(CHORUS)
Gad ba’dag ni ngad weliyed
e n’en bay u gum’ircha’dad.
Ere ngad pinnged e sorok
ngak ni gubin ngiyal’.
(Kum guy e Acts 13:48; 1 Thess. 2:4; 1 Tim. 1:11.)