BIN 16

Thin Nra Pi’ e Athamgil Nga Lanin’uy

Job 16:5

N’EN NI NGAN RIN’: Gathi yigoo magawon e ngam weliy murung’agen, ya ngkum weliy rogon ni ngan pithig, mu kum weliy boch ban’en nra pi’ e pagan’ ko piin be motoyil.

ROGON NI NGAN RIN’:

Mu sap nga fel’ngin e piin be motoyil. Nge pagan’um ngay ni piin be motoyil e yad baadag ni ngar rin’ed e tin nib m’agan’ Jehovah ngay. Mus ni faanra ba t’uf ni ngam fonownagrad, ma som’on e nga mog e tin nib fel’ ni kar rin’ed.

Mu non u fithik’ e t’ufeg, ma dab mu dag ko girdi’ ni ke kankanan’um ngorad. Mu siminmin ya ngar nanged ni ga manang rarogorad ma rayog ni nge pagan’rad ngom.
Dab mu weliy thibngin ban’en nib pag rogon. Faanra ngam weliy thibngin ban’en, ma kemus ni tin nib ga’ fan ni ngan nang e ir e ngam weliy. Welthin rom e thingari pi’ e athamgil nga lanin’uy.
Mu fanay e Thin rok Got nib fel’ rogon. Mu k’aring e piin be motoyil ni ngar lemnaged e n’en ni ke rin’ Jehovah, nge n’en ni be rin’ e chiney, nge n’en nra rin’ boch nga m’on ni fan ko girdi’. Mu pi’ e athamgil nge gel nga lanin’rad.