PI DEER NI BAY E FULWEG RIY U BIBLE

Uw rogon me nang e piin bitir rogon ni nge t’uf Got rorad?

Rayog ni nge nang e bitir rom rogon ni nge t’uf Got rorad ni faanra kar guyed e mich riy nriyul’ ni bay Got ma yad ba t’uf rok. Ra nge t’uf Got rorad, ma som’on e ba t’uf ni ngar nanged Got. (1 John 4:8) Bod nib t’uf ni ngar nanged ko: Mang fan ni sunmiy Got e girdi’? Ma mang fan ni ma pag e gafgow? Ma mang e ra rin’ ni fan ko girdi’ boch nga m’on?​—Mu beeg e Filippi 1:9.

Ra ngam ayuweg e bitir rom ni nge t’uf Got rorad, ma som’on e thingar mu dag ngorad nriyul’ nib t’uf Got rom. Faan yad ra guy e re n’ey, ma aram e rayog ni ngar folwokgad rom.​—Mu beeg e Deuteronomy 6:5-7; Proverbs 22:6.

Uw rogon ni ngam nang e n’en ni bay u gum’irchaen e bitir rom?

Ba gel gelngin e Thin rok Got. (Hebrews 4:12) kEre, mu ayuweg e bitir rom ni ngar nanged e pi kenggin e machib ni bay ko Thin rok Got. Ma fith Jesus boch e deer ko girdi’, ma ma motoyil ngorad, ma ma weliy ngorad fan e thin ni bay u lan fare Babyor nib Thothup ni fan e nge yag ni nang e n’en ni bay u gum’ircha’rad. Ere, ku arrogon e bitir rom ni faanra ngam nang e n’en ni bay u gum’ircha’rad, mab t’uf ni ngam folwok rok Jesus u rogon ni ma fil ban’en ko girdi’.​—Mu beeg e Luke 24:15-19, 27, 32.

Ku bay boch e thin nu Bible ni be weliy murung’agen rogon ni ma ngongol Got ko girdi’ nrayog ni nge ayuwegem u rogon ni ngam ayuweg e bitir rom ni ngar nanged Got me t’uf rorad. Bay boch e babyor ko www.jw.org ni kan ngongliy ni fan ko re n’ey.​—Mu beeg e 2 Timothy 3:16.