PI DEER NI BAY E FULWEG RIY U BIBLE

Mang fare Rran ko Pufthin?

Kakrom e i fanay Got e pi tapufthin ni ngaur ayuweged e girdi’ rok u pa’ boch e girdi’ ni ur rin’ed boch ban’en nde mat’aw ngorad. (Judges 2:18) Be yog e Bible ni fare Rran ko Pufthin e aram ba ngiyal’ nib gel e felfelan’ ni yira tay riy ni bochan e aram e ngiyal’ nra chuweg Jehovah ni ir e Tapufthin ko fayleng ni polo’ e girdi’ u fithik’ e tin nde mat’aw.​—Mu beeg e Psalm 96:10, 12, 13; Isaiah 26:9.

Ke mel’eg Got Jesus ni nge pufthinnag e piin ni ka yad ba fos nge piin ni kar m’ad. (Acts 10:42; 17:31) Boor e girdi’ ni kar m’ad u m’on ni ngar filed murung’agen Got. Ere, nap’an fare Rran ko Pufthin, ma ra faseg Jesus e pi girdi’ ney ko yam’ ya nge yag nra filed murung’agen e bin riyul’ e Got me t’uf rorad.​—Mu beeg e Acts 24:15.

Mang fan nib biyu’ e duw n’umngin nap’an fare Rran ko Pufthin?

Nap’an fare biyu’ i duw ma aram e ngiyal’ ni yira faseg e piin ni kar m’ad. (Revelation 20:4, 12) Ere, ba t’uf e tayim ni ngar filed e thin rok Got mar folgad riy. Ba thil e n’en ni be yog e Bible ko n’en ni ma lemnag e girdi’, ya be yog e Bible ni yira pufthinnag e girdi’ e ngiyal’ nem ni be yan u rogon e n’en ni yad ra rin’ u tomuren ni kan fasegrad ko yam’.​—Mu beeg e Roma 6:7.

Ku be weliy e Bible murung’agen reb e pufthin ni yira tay nib tomgin, ma biney e pufthin e yira tay u m’on nra tabab fare biyu’ i duw. Re ngiyal’ i n’em e aram e tomur ni bod rogon ni kad weliyed ko fapi article ni bay u tabolngin e re ke babyor ney. Aram e ngiyal’ nra thang Got e piin ni yad ba kireb. (2 Peter 3:7) Ere, susun ni ngad athamgilgad ngad daged ngak Got nib t’uf rodad.​—Mu beeg e 2 Peter 3:9, 13.

Ra ga baadag ni ngkum nang boch mag guy e page 244 ko re ke babyor ney ni ke ngongliy e Pi Mich Rok Jehovah

Ku bay ko www.jw.org/yap