Mang E N’en Ni Be Yog E Bible?

Mang e Armageddon?

Boch e girdi’ e ba mich u wan’rad . . .

nre n’ey e aram e ngan fanay boch e talin e cham nib yargel ni ngan gothey e fayleng ara nge kirebnag e girdi’ e fayleng. Me gur, uw rogon u wan’um?

N’en ni be yog e Bible

Armageddon e bangi ban’en nib fanathin ni yira tay fare mahl riy “ni fan ko fare rran ni ba ga’ fan, ni Rran rok Got ni Gubin ma Rayog Rok,” ni aram e nge cham ngak e piin nib kireb.​—Revelation 16:14, 16.

Mang e ku rayog ni ngad filed u lan e Bible?

• Got e ir e ra fek fare mahl ni Armageddon i yib. Machane gathi ra rin’ e re n’ey ni bochan e nge gothey e fayleng, ya bochan ni nge ayuweg e fayleng u pa’ e piin ni kar kirebnaged.​—Revelation 11:18.

• Fare mahl ni Armageddon e aram e re mahl nra museg gubin e mahl.​—Psalm 46:8, 9.

Gur, rayog ni nge magey be’ nib fos u nap’an fare mahl ni Armageddon?

Mang e ga ra yog?

• Arrogon

• Danga’

• Sana

N’en ni be yog e Bible

Bay boch e girdi’ nib “pire’ ni pire’” ni kar bad u gubin e nam ni yad ra magey ni yad ba fos u nap’an “fare gafgow ni ba ga’.” Ra mus e re gafgow nib ga’ ney u nap’an nra tabab fare mahl ni Armageddon.​—Revelation 7:9, 14.

Mang e ku rayog ni ngad filed u lan e Bible?

• Baadag Got ni nge magey boor e girdi’ ni yad ba fos u tomuren e Armageddon. Dabun Got ni nge thang be’, machane faanra kari dugliy e piin nib kireb nri dab ra folgad mfin aram e ngiyal’ nra thangrad.​—Ezekiel 18:32.

• Be weliy e Bible rogon ni ngad mageygad ni gad ba fos u tomuren e Armageddon.​—Zefaniah 2:3.