Bay e Personal Territory Rom Fa?
1. Mang fan fapi thin ni personal territory rom?
1 Fan fapi thin ni personal territory rom e aram e territory ni kan pi’ ngom ma be mil fan ngom ni ngam machibnag. Sana aram reb e binaw nib chuchugur ma ba mom ni ngam machib riy ni goo gur ara gimew yugu reb e publisher. Yugu aram rogon nra yib angin ni ngad uned ko machib ni ma yarmiy e ulung, machane faanra bay e territory nib mil fan ngodad ngad machibnaged u yugu ba ngiyal’ ma aram rogon ni gad ra machibnag urngin e girdi’ nrayog, ma ri ba puluw ko ulung ni boor e territory riy.—Acts 10:42.
2. Mang angin nra yib ko personal territory?
2 Angin Riy: Ke yib angin ngak boch e publisher ni kar machibnaged e girdi’ ko territory nib chuchugur nga tabon e maruwel rorad u nap’an e ngiyal’ ni ngar toffangad ko abich ara u tomren e maruwel. Ke felfelan’ yugu boch e publisher ni ngar machibgad e tabinaw rorad u lan e binaw rorad ko reb e awa u m’on ko Muulung ni Fol Babyor. Angin ni ke yib riy e return visit nge Bible study rorad e ba chugur ngorad, ma dabra adbeyed e salpiy, nge athamgil, nge tayim rorad. Bochan e rayog ni ngan rin’ boor e maruwel ko buchuw e tayim ni faanra bay e territory nib mil fan ngay, ma ra ayuweg boch e girdi’ ni ngar uned ko pioneer ni ayuw u yu ngiyal’ ara mus ni ngar uned ko regular pioneer. Maku, faan gad ra machibnag e girdi’ ko personal territory rodad ma gad ra chugur ngorad, ma rayog ni ngar pagedan’rad ngodad, nge yib angin e machib ni gad be tay.
3. Mang e ke buch ku reb e pioneer ni ke yog e personal territory ngak?
3 Ke pi’ e circuit overseer e athamgil ngak reb e pioneer ni nge yog e personal territory ngak ma ke gaar fare pioneer: “Kug fol rok ma de n’uw nap’an u tomur riy kug chugur ngak e girdi’ u lan e territory. Kug thiliyeg e tayim ni gu ma yan i guyrad ko ngiyal’ ni puluw ngorad. Angin ni ke yib riy e ke yoor e return visit rog ko 35 nge yan i pag 80 u reb e pul, ma bay medlip e Bible study rog.
4. Uw rogon ni nge yog ngom ngam maruweliy e personal territory?
4 Rogon ni Ngan Rin’: Faanra ga baadag ni ngam ning e personal territory rom, mog ngak fa en ni territory servant. Nga mu pining yugu reb e publisher ni nge un ngom, ma ga fl’eg e babyor ko girdi’ nde moy u tabinaw rorad. Nga mu guy rogon ni ngam musnag e territory ko aningeg e pul. Faanra dabiyog ni ngam rin’, ma ga ning e ayuweg rok e piilal ko Muulung ni Fol Babyor ni ga ma un ngay ara yugu boch e publisher. Tomren aningeg e pul, ma rayog ni ngam sulweg e territory ara rayog ni ngam maruweliy biyay. Machane dab mu kol e re territory nem ndariy n’umngin nap’an, ya nga mu sulweg ni fan nrayog ni nge maruweliy yugu boch e publisher. Faanra buch uw e territory ko ulung rom ma dabiyog ni ngam ning e personal territory, rayog ni ngam ning ba yang e territory rok fare piilal ko muulung ni fol babyor rom.
5. Mang e ba t’uf rodad ni faan gad ra rin’ e maruwel ni kan tay chilen ngodad?
5 Maruwel rodad ni tay Jesus chilen ngodad ngad machibgad “u gubin yang u fayleng” e aram e maruwel ni ma k’aring e marus. (Matt. 24:14) Ba t’uf rodad ni ngad yarmiyed e athamgil ni gad ra tay. Faan gad ra uneg e personal territory ko machib u mit e tabinaw rodad ma ra ayuwegdad ngad machibnaged fare thin nib fel’ ngak urngin e girdi’ nrayog rodad.