Thin ni Ngan Nog u Murung’agen e Pi Magazine

Fare Wulyang Ntagil’ E Damit April 2008

“Gubin e rran ni gad ma rung’ag murung’agen e gafgow nge liliy nge yam’. Uw rogon u wan’um, gabe lemnag ma ra taw nga ba ngiyal’ min ayuwegdad ko pi magawon n’ey, fa? [Mmotoyil ko n’en nra yog.] Re thin nu Bible ney e ke pi’ athap ngak bokum milyon e girdi’. [Mag bieg e John 3:16.] ‘Rogon Nra Ayuwegem e Yam’ ni Tay Jesus’ e ir kenggin e re magazine ney. Re maruwel ney ni gamad ma tay e ba maruwel ni girdi’ e yad ma pi’ e ayuweg ngay nrogon nib m’ag u wan’rad ere pi babyor ney ni gamad ma wereg e dariy puluwon. Faanra ga ba adag ni ngam pi’ boch e ayuw e daba’, ma ra felfelan’ug ni nggu fek nggu pi’ ngak e ulung ni fan ko fare maruwel ni machib ni yibe tay u fayleng iyan.”

The Watchtower May 1

“Boor e girdi’ ni yad ma yog ni kemus ni yigoo tin ni yad ra guy e ra mich u wan’rad. Ma gur, uw rogon ni gabe lemnag? [Mmotoyil’ ko n’en nra yog. [Mag bieg e Roma 1:20.] Re magazine ney e ra tamilangnag dalip ban’en u rarogon Got nrayog ni ngad guyed ko tin ni ke sunmiy, maku ra weliy ngodad rogon nra ayuwegdad e pi fel’ngin nem.”

Awake! May

“Boor e girdi’ e ngiyal’ ney ni yad ma rus ko tin ni bay yib boch nga m’on. Uw rogon u wan’um, gabe lemnag ni bayi fel’ gubin ban’en boch nga m’on, fa bayi gel e kireb riy? [Mmotoyil ko n’en nra yog. Mag bieg e Revelation 21:3, 4.] Re magazine ney e be weliy fan nrayog ni nge pagan’dad ndabki n’uw nap’an ma ra pithig Got e pi magawon nder yog ko girdi’ ni ngar pithiged.”