Thin ni Ngan Weliy u Murung’agen e Pi Magazine

The Watchtower January 2009

“Ngiyal’ ney e boor e girdi’ ni yad be lemnag Jesus. Me gur, gabe lemnag ma uw rogon ni ke ayuweg Jesus e yafas rom? [Mmotoyil ko n’en ra yog.] Be pi’ e Bible e athamgil nga lanin’dad ni ngad folwokgad ko n’en ni rin’ Jesus. [Mu beeg e 1 Peter 2:21.] Gad ra rin’ e re n’ey ma gad ra felfelan’. Re magazine ney e be weliy fan.”

Awake! January

“Boor e girdi’ nra yib e magawon ngorad mi yad lemnag ni be gechignagrad Got. Me gur, bay ba ngiyal’ ni kam lem ni aram rogon? [Mmotoyil ko n’en nra yog. Mag beeg e James 1:13.] Re babyor ney e be weliy tapgin e pi magawon rodad nge fan nrayog ni nge pagan’dad ndab ki n’uw nap’an ma ra chuw gubin e magawon rodad.” Mag dag ngak kenggin fare thin ni bay ko page 28.

The Watchtower February 2009

“Yug ra bang u fayleng ma rogon ni yad ma lemnag Maria ni chitiningin Jesus. Me gur, uw rogon Maria u wan’um? [Mmotoyil ko n’en nra yog.] Be dag e Bible ni bay reb e maruwel nni pi’ ngak Maria ni yugu ba thil. [Mu beeg e Luke 1:30-32.] Re babyor ney e be dag e n’en nrayog ni ngad filed ko n’en ni rin’ Maria.”

Awake! February

“Gubin ban’en u rarogon e fayleng e be m’ug riy nni ngongliy ni fan e ngan par riy. Uw rogon u wan’um, yigi sum e pi n’ey rorad, fa bay be’ ni Sunmiy? [Mmotoyil ko n’en nra yog.] Boor e girdi’ nib mich u wan’rad e re thin nu Bible ney. [Mag beeg e Psalm 104:24.] Re babyor ney e be tamilangnag nriyul’ ni bay be’ ni ke Sunmiy urngin ban’en.”