Deer

◼ Mang e susun ni ngam rin’ ni faanra ka nog ngom ndab kum machib?

Bay in yay ni ke non e police ngak boch e publisher ni yad be machib u bang, ka rogned ngorad ndab kur machibgad ya yad be togopuluw ko motochiyel. Faanra ke buch rom ni aray rogon ma ngam tayfan e n’en ni ka nog ngom, mag yan ngam chuw ko fare binaw ni ga be machib riy ni faanra ka nog ngom. (Matt. 5:41; Fil. 4:5) Dab mu guy rogon ni ngam pithig e re magawon nem ni goo gur fa mu guy rogon ni ngam weliy ngorad e n’en ni ga manang nib puf mat’awum nrayog ni ngam rin’. Ya faanra ga be guy nrayog, mag fek e badge number ko fare police nge namba ko gin ni ma maruwel riy. Ngemu’, ma ga yan mu weliy ngak e piin ni piilal e n’en ni ke buch, ya nge yog nrogned nga branch ofis. Ku taareb rogon ni faanra ga be machib u reb e apartment, ma ke yog e en nib ga’ ko fare apartment ara yugu be’ ni ngam chuw u rom, mag chuw, mag yan mog ko piin piilal. Faan gad ra ngongol ngak e piin ni yad ma yog e thin u fithik’ e sumunguy nge sobut’an’ ma aram e rayog ni ngad paloggad ko magawon.​—Prov. 15:1; Rom. 12:18.