Thin ni Ngan Weliy u Murungagen e Pi Magazine

Fare Wulyang Ntagil’ E Damit October 2009

“Ma yog boch e girdi’ nfaanra ba yul’yul’ be’ ngak Got, ma ra flaabnag Got faanem. Machane faanra ba gafgow be’ ma aram e pow riy nde fel’ faanem u wan’ Got. Uw rogon u wan’um? [Mmotoyil’ ko n’en nra yog.] Jesus e gathi ir be’ nib flaab. [Mu beeg e Luke 9:58.] Re babyor ney e be tamilangnag e re mit i flaab nra yog ngak e pi tapigpig rok Got.”

Awake! October

“Uw rogon u wan’um, gathi ke boor e magawon ni ma mada’nag chon e tabinaw e ngiyal’ ney, fa? [Mmotoyil ko n’en nra yog.] Boor e girdi’ e dar nanged e fonow ni bay u Bible. Bod e re thin ni baaray.” [Mu beeg reb e thin nu Bible ni bay u lan fare babyor.] Re babyor ney e be dag rogon nra ayuweg e pi motochiyel nu Bible e pi tabinaw ni ngar pithiged boch e magawon ni ma yib ngorad.”

Fare Wulyang Ntagil’ E Damit November 2009

“Uw rogon e re thin ni baaray u wan’um? [Mu beeg e Deuteronomy 32:4.] Ka am lemnag ko mang fan ni ke yoor e gafgow nge kireb u fayleng ni yugu aram rogon ni Got e be’ nib gel gelngin mab mat’aw? [Mmotoyil’ ko n’en nra yog.] Re babyor ney e be weliy fan ni ke pag Got e kireb ka be ulul ke mada’ ko chiney.”

Awake! November

“Ngiyal’ ney e ba ga’ ni yooren e girdi’ e yad ma fanay e cell phone nge computer. Ga be lemnag ma pi n’ey e ra ayuwegdad ni nge dab da adbeyed e tayim rodad, fa aram e n’en ni be adbey e tayim ko girdi’? [Mmotoyil’ ko n’en nra yog.] Boor e girdi’ e yad ma lemnag ni pi n’em e ma ayuwegrad ni nge dab ra adbeyed e tayim rorad. [Mu beeg e Efesus 5:15, 16.] Re babyor ney e be tamilangnag rogon ni ngad maruwelgad ko pi n’em nib fel’ rogon.”